Nú eru pintjos klár. Til HeiMA í ár servera vit:
– soppar & súrróma
– royktan laks & reyðleyk
– skerpikjöt og vesturhavsost
– ost (#denhvidedame ) & appelsin
– egg (frá okkara fittu chabohönum) & urtir
– ræstfiskakrokettir
Ternan fer úr Havn kl 15.30, 16.20 og kl 19.00. Vit síggjast #HeiMA í Nólsoy!
#visitnolsoy #gimburlombini #kaféinhevurfingiðnavn #pintjos #sólinskínur #nógvlekkurtvínáglasídag
Tálg. Tálg. Tálg. Sápa. Sápa. Sápa.
Nú er skjótt aftur flettingartíð, og tá mugu tit minnast til at goyma tálgina, tí sunnudagin 22. oktobur verður aftur skeið í at gera sápu úr tálg.
Aftur í ár verður Elin Lindenskov lærari. Skeiðið byrjar kl 14.00 og varar á leið 5 tímar. Elin hevur ymiskt tilfar við, t.d. ymisk luktievni.
So koyr hasa tálgina í frystiboksina og tak hana við á skeið 22. oktobur.
Tilmelding á info@visitnolsoy.fo ella við at senda Kunningarstovuni eini boð á facebook – ella við at siga tað við Tjóðhild 😉
Tilmeldingargjald 400 kr pr persón (Alt íroknað. Skeið, luktevni og annað tilfar frá Elini og drekkamunnur) – tálgina hava tit við sjálvi 😉
Myndin omanfyri er av vøkru sápunum, ið Disa gjørdi á skeiðnum í 2014.
//
Tallow. Tallow. Tallow. Soap. Soap. Soap. Tallow soap.
Soon some of us will have more mutton tallow than we could ever eat – within a year. But fear not, we will NOT have to throw it away. On the 22. October we will have a short course on how to make soap using tallow. So freeze all that left over mutton tallow and join us at the course Sunday, 22. October, at 14.00.
Register for the course by sending us an email.
The price for the course is 400 kr pr person
…Good this is difficult to write in english – hope it is understandable 😉
Dear autumn and winter guests, we have closed for this season. We will be back in May 2018. If you have questions or booking requests, please write us an email. If you are cold or hungry, visit Maggies or Kaffistovan (you will find opening hours on their webpages).
Nú verður Ovastevna (4. -.6 august), og hóast vit her í húsinum fara at arbeiða stórsta partin av tíðini, ja, so hava vit lúrt í skránna og gjørt okkum ein ynskilista yvir alt tað, sum vit høvdu gjørt á Ovastevnu… um vit, sum tú, høvdu frí.
//FERÐING – Soleiðis kemur tú til Nólsoyar á Ovastevnu
Tað kulasta er sjálvsat at svimja til Nólsoyar, men kanska, bara kanska, er í so seint at byrja at venja nú.
Tú kanst eisini koma í báti. Bátapláss eru ókeypis og tað er ikki neyðugt at bíleggja pláss frammanundan. Vilt tú hava streym til bátin, so kostar hetta 200 kr.
Eigur tú ikki bát, ella tímir tú ikki at svimja tvørtur um fjørðin í ár, júmen so fært tú tær bara ein 100 kronuseðil í lumman (einans kontantsøla av ferðaseðlum), og spákar oman á Bursatanga – Ternan siglur nógvar eykatúrar hendan leygardagin, so leyp bara avstað.
//TILTØK – Hetta ynskja vit at hugna okkum við á Ovastevnu
Hægst á ynskilistanum til Ovastevnu í ár, er at svimja á Malarenda, saman við teimum treystu havfrúnnum í Nólsoy. Havsvimjingin á morni, leggur so góðar lunnar undir restina av degnum.
Havsvimjing ávirkar fólk ymiskt. Summi gerast full av orku og fáa hug at spela niðan á ein fjallatind. Onnur kenna ró í kroppinum, og hava hug at lesa, drekka te og stara út á fjørðin – legg eina lítla bók í reyvalumman, afturat 100 kr seðlanum til Ternuna, og kom til morgunmat á Kunningarstovuni. Leygarmorgun servera vit nýbakað breyð við osti og rabarbusúltutoy, og súrgamjólk við muesli og rabarbusiroppi.
Um tú enn ert svong/svangur eftir morgunmatin á Kunningarstovuni, ja so kanst tú fara á plantutúr við ‘ommu’ Disu – Disa vísir á summar av teimum lekkru, broysknu, treisku og mildu, grønu átuligu plantunum sum vaksa í Nólsoy.
Sjálvt vit, ið vanliga ikki hyggja at fótbólti, argast yvir, ikki at fáa høvið at fara til dystin millum yngru og eldru tónleikararnar – tað er altíð spennandi at síggja um nakar tónleikari hevur skift lið.
Beint eftir dystin mást tú spela yvir á kajina, tí tá verða vinnararnir av ársins trillubørukapping kosnir. Her eru nakrar av trillubørunum frá í fjør.
Vit elska at synga, sum so nógvir aðrir føroyingar. Kl 18.00 verður kór undir Botnagarði, og tú sleppur at vera við! Lurta ella syngja við, tað er upp til tín.
Ert tú ikki liðug at synga enn?…. Nei?… So er at fara oman á kaiina til nátturðasang…. bara ein lítlan… sang …. áðrenn nátturðan.
Eingin Ólavsøkukabarett var í fjør… men tað ger einki, tí í Nólsoy hava vit Ovastevnukabarettina. Hevur tú hug at flenna, tí øll hini flenna? Ja, so skalt tú koma á Ovastevnukabarett.
Eingin veruligur veistludagur uttan Føroyskan dans…. Kvøði nú hart. So hart at vit hoyra tykkum heilt yvir á Kunningarstovuna.
Góða Ovastevnu.
We are going to Tórshavn for Ólavsöka, and so should you. The tourist info and café will be closed untill 30th of July at 13.00.
If you are in Nólsoy and need coffe and company, Kaffistovan has open from 15.00 today and from 13.00 tomorrow. Maggies opens at 17.00 both days.
Góða Ólavsøku!
Fríggjadagin 21. Juli steingja vit kl 13.00.
Vit hava opið aftur sum vænt leygarmorgun kl 10.00.
//
Tomorrow we close the café and tourist info at 13.00, we are open again Saturday morning at 10.00.
• Cultural Night in Nólsoy •
This is Nicolaj and Ann Mari – Tuesdays in June they are inviting you to be their guest for one evening in Nólsoy: Faroese chain dance, traditional and less traditional food, stories about the village, choir song, harmonica music and more. Only 25 tickets available pr night.
Contact Visit Tórshavn for more info on tickets.
Mjørki ella ei – í morgin verður ein hugnaligur dagur í Nólsoy!
Lat teg í eina góða troyggju, legg tær varrastift ella møguliga ein kikara í ryggsekkin og leyp so oman á Ternuna. Nei, bíða! Ikki beint nú. Í morgin, leygardagin 27. maj.
Vit síggjast (um mjørkin ikki verður ov tjúkkur 
😉 ) – og um so er, mugu vit bara syngja tað harðari.
Plakat: Sigga Vang
A few days ago Barbara made this beautiful orange earl gray layer cake. We did not want to post a picture, since we did not know how it tested. Well, lets just say that Barbara is preparing several more orange layer cakes for tomorrow, because even though the hikes in Koltur and Hestur are canceled, we are sticking to the original plan: music, food and good mood on the harbour tomorrow night. Tomorrow’s program will be up soon.
See you i Nólsoy soon.
Hóast tað kavar úti, so merkist at várið er við at koma – her á Kunningarstovuni í Nólsoy gera vit okkum til at opna aftur
eftir langa veturin, men fyrst, meðan kuldin enn bítur okkum í fingrarnar, fara vit at hugna okkum inni í heitu stovunum hjá fittu nólsoyarbúgvunum – vælkomin á HEIMA 2017 í Nólsoy: 10 hús, 10 bólkar/einstaklingar 20 konsertir og óendaliga nógvur hugni. Vit gleða okkum til leygardagin 15. apríl.
Bólkarnir og einstaklingarnir sum spæla til HEIMA í ár eru hesi/r:
Meira kunning um tiltakið er á facebooksíðuni. Atgongumerki eru til keyps á heimasíðuni hjá G!festivalinum.
Gerast tit svong ella tyst millum konsertirnar eru tit sjálvsagt hjartaliga vælkomin á Kunningarstovuna at fáa tykkum ein bita.
Mynd: Henda nólsoyargásin hevði hug at blanda seg uppí okkara fyrsta HEIMA, sum var páskaaftan 2016. Myndina tók Eir í Ólavsstovu.
FO//
EN//
HEIMA (faroese for HOME) is a music festival taking place inside local peoples homes. More about the concept here. The festival will take place in Nólsoy on Saturday 15. april.
For more information visit the facebook page, send us an mail or give us a call.
Tickets are available on G!festivals online shop.